Prometheus

看 chit-khoán 都市ê 夜景， lán m̄ 知影恐懼àn toh 來， to̍h 是始終 bōe-bat 消失 ....

源起頭上帝講光kap 暗 tio̍h 分開
Chi̍t 半光kap chi̍t 半暗做頭 chi̍t kang
Hit-tia̍p 無善惡分別
創造人 kap i 同行

願神 Chiús kap 永恆共存
Chiús 英明 裁決 kā 汝
鍊 tī 山石頂 致到
連 hit 粒 石頭 也變做永恆

I 也持守 講出--去 hiah-ê 話
Ta̍k日sio-kâng 化身 bā-hio̍h 來
Kap 精牲 對目睭 siòng 目睭
無話無句 連目神都無
Ang-á頭 nih 有平行世界 ê 堅定
針對汝 對心肝頭開破

理路是機械的無變竅餘地
Chi̍t 日 過 chi̍t 日 日日相kâng
Días i 至高天神的確深深體會 che
到極恐怖ê
永恆無聊 chhin-chhiūⁿ
I kā 汝練leh ê hit 粒 Causasus 山石

是講， 汝 káⁿ ē  chiaⁿ 無聊 ho͘ⁿh
無chi̍t日特別ê 著磨 也渺茫去
著磨也無滋無味
Kám 有toh chi̍t 日體會tio̍h he
永恆 bōe 變化ê 恐怖

To̍h 是汝 m̄-bat 人 短短 sìⁿ命 ê 寶貴
也 bōe 透徹烏暗 ê 價值
大主大意kā 天火偷渡 hō͘ 人
Taⁿ 汝看 in 短短時間 niâ
In tio̍h lia̍h 準 ka-kī ē thang 做神
Kap lán kâng款 日日做 che
到極無聊 違逆神 ê 齣頭
無 khòa in 短短sìⁿ命 liâm-mi 盡