 |
| 棗á kap 仙桃 2015. Feb. 13 |
Chia̍h bōe ùi, 是講興chia̍h, 愛chia̍h, ē-tàng chia̍h chiok chōe. Chia̍h m̄驚, 是講chia̍h-mn̍gh 量足chōe, m̄驚人外gâu chia̍h. Ah hit 種 驚 chia̍h 藥á leh？ M̄驚chia̍h 藥á？kám 有人án-ni 講？講che 仙桃, lán 來麻豆khiā 了後 chiah thang khòaⁿ--tio̍h, 也chiah知影 thang chia̍h ê mi̍h, 氣味ná-sêng 蕃薯, koh 無hit款 臭塗味, koh 帶sió-khóa 草chhìⁿ, 若有夠熟, 真 鬆真phang, koh真甜。
另1 種mn̍gh, cha-bó͘ 李á, 1 粒 kah kiwi 差不多, 摸mā 粗皮粗皮. Phah算照外文ê 音號ê 名, kap a-bú-khah-loh sio-siâng. Chit 款 生份果子, 氣味chiaⁿ phái 介紹。聽講, 鐵質真厚, 削好, liam-mi tio̍h 會o͘去. 無 siáⁿ 會甜, 看--khiaih 厚 汁, m̄-koh 無, kám ē-sái 講是 鐵san味？
 |
| 現挽ê 番á荔枝 2014. Jul. 30 |
Koh 有1 項, 七月kàu 十月ê 款[hip相ê 日期] 番á荔枝,1 粒 差不多 1 ê 拳頭拇 hiah 大khian, 根本kah 荔枝差足大碼, siûⁿ-siûⁿ 膏膏 黏黏, 有1款chhèng 鼻 ê 涼khùi, mā 無siáⁿ 味, mā是chia̍h 講 健康ê 作用。 Lán 有去 看 chit 款樹, 足大châng, hio̍h 也差不多kap lán 1 ê 手蹄á 大, 對生ná 羽。 花 是 黃色, tú phah 苺ê時, 足sêng 包 粽, m̄-koh i 有 4 面 像 Pyramid。
 |
| 番á荔枝冰沙 |
kér-chí sian-thô chia̍h bōe ùi, chīn-liōng m̄-kiaⁿ sa lâi thui, phêr-hu iù-pe̍h lâng ē súi, m̄-thang siuⁿ hiông kéⁿ ām-kui
果子仙桃食袂畏, 盡量毋驚捎來推, 皮膚幼白人會水, 毋通傷雄哽頷胿
sian-thô ka-pi chòe chá-tǹg, ji̍t-thâu chi̍t ji̍t chi̍t ji̍t tn̂g, chèng-hú to̍k thâng ti̍t-ti̍t chhńg, pó-tó kui-ê chiâu pha-hng
仙桃咖啡做早頓, 日頭一日一日長, 政府毒蟲直直吮, 寶島規个齊拋荒
沒有留言:
張貼留言