Chit pái, 2014 ah, 柯文哲也tú-tio̍h有講, 台灣人 肯捐, m̄-thang 坐名, soah 違反 柯 ê 態度。
自古 支那中國ê 統治, 確實有chit 步。 Lán 人 一般敢ka-kī 造業ka-kī taⁿ, tio̍h是無愛牽連別人, kiáⁿ兒序細 , in tio̍h 用 chit pō͘ 來控制所有ê 人民。koh 利用人性ê 弱點去分化民間團體, 鼓勵人背骨做奸細, 做 thàu-á 去jiàu, 去phô͘ in. Lán gōng 人民, tio̍h pìⁿ 互相懷疑, 互相看輕, 互相攻擊, kāng 族內都án-ni ah, 何況 自認bô-kâng 族ê gōng Tâi-oân 人。結局是免koh 2 代, chiah ê 台灣族 lóng 會消失絕種去, 過去歷史也是án-ni, chhin-chhiūⁿ kui 百族 ê 原住民, 經過 支那清國[通古斯 m̄是 支那？, m̄-koh in lóng hông thāu 支那文化 ah, 學 漢字, 學 儒家, 學 支那統治學]了後, kàu taⁿ chiah 幾代？
https://www.youtube.com/watch?v=j6DHhM4PgVA
話講翻頭, Tâi-oân chin-chiàⁿ 足chōe chit款有疼心ê人, 人nā 病疼, 艱苦, 散赤 iah-sī 生離死別 lóng看bōe chòe, 目屎流目屎滴, 也真甘願出錢出力tàu 扶持, 助贊。 Pháng 心理防衛行動內底1 項, 投射作用。鉅大創傷, 壓力, 利用1 kóa 奇巧[pháng mā bô 奇巧, 無的確 自然 khah bā]ê步數 kā 當作 bô hiah ê 創傷, 壓力, 來維持生存ê 勇氣kap動力。 其中, 放bōe記, siōng 簡單, 也 siōng 普遍。M̄-koh, 疼khang 無醫好, oân-nā 會堅phí, 也會痲痺, bōe 消失。 Khàng tio̍h 猶原會疼, koh 會無時 無chūn tiuh-tiuh 疼[聽講 Heimingway tio̍h 是 án-ni chiah 自殺ê]。
Lán iah 無講tio̍h, Tâi-oân 人tì--tio̍h, siōng 厲害ê Stockholm Syndrome, 會贊同 加害人 ê 價值觀、世界觀kap 人生觀, koh 會替加害人 chhōe 百千萬理由、細節去維護加害人, koh kā in chhāi 銅像記念, 寫神話歷史誌載in ê 豐功偉業。 了後, 教示in ka-kī ê kiáⁿ兒 序細, ài 服祀 ná 神明, koh 會 出拳 攻擊 出破事實thian-thong ê 人。
Chit 款 疼 koh 會遺傳 hō͘ kiáⁿ兒序細, chiah 有厲害。Chit 款看人艱苦 tio̍h tòe lâng 艱苦, 有 1 部份也是chit 款 症頭。[chit-má 人 愛講同理心, 我想 無緣大慈 同體大悲, 是佛法入 支那了後, 落格俗化ê 變體。 ]
真ǹg-bāng lán Tâi-oân 人 ê 聰明智慧 來 發展 chit 款mn̍gh 件。 Koh 有真 chōe 款肢體失能ê 狀況 ē-tàng hō͘ lán, 也 需要lán 去 研究發明, che 對 lán Tâi-oân 人 無困難, lán Tâi-oân ta̍k 年參加 發明比賽tiāⁿ the̍h 冠軍 ah, lán 若 有心照顧 hiah-ê 人, lán 也會khah 看重ka-kī, 對ka-kī khah 好！
Tâi-oân 人 chhun EQ ê 問題niâ！ mài chhap 釋昭慧 ah lah！ 而且， chit ê 事件, 焦點是 保護區，m̄是人品iah是修行人！
沒有留言:
張貼留言