Albert Einstein 23 ê生命課程：
1. Lán 應當尊重每1 ê 人, m̄ koh 無人 ē-sái hō͘人 當作 偶像來崇拜 。
2. 不得已kàu極，也m̄-thang 做違背良心ê tāi-chì。
3. 做善事ê 原因, 若是驚 hông 懲罰, iah是想berh得tio̍h回報, án-ni 你該見笑。
4. Lán siōng大ê問題tī 過份要求做sit ê方式完美, 是講對做sit ê目的無夠明確。
5. Thiàⁿ來做老師比責任ke-khah好。
6. 你若無法度簡單說明，代表你iah bōe完全瞭解。
7. 問題發生當時，無辦法解決是因為你ê思想iah bōe突破，汝需要一點á耐心，thèng-hāu你思想 khah 成熟ê時, tio̍h 會順順á解決。
8. 對昨日去學習，為今日來活，kā ǹg-bāng khǹg tī 明á-chài。
9. Lán ê 科技現現已經超過人性hn̄g-hn̄g。
10. ē-tàng kō͘ 數字來算ê事物，無的確重要；重要ê 事物，也無pān-phoe ē-tàng 量化。
11. 品德 低路 ê人總是會 hō͘ 權力吸引。
12. 事物 lóng-tio̍h 應該 chhan-chhiūⁿ i原樣 hiah簡單，bōe-tàng koh-khah簡單。
13. 放sak ka-kī ê偏見，你chiah chhōe 會 tio̍h事物ê本質（真理）。
14. 讀 siuⁿ chōe書, 卻罕得 動頭殼 ê 人，通常會變做 pîn-tōaⁿ 思考。
15. 一個m̄-bat犯錯誤ê人是因為 i m̄-bat khì 試探新鮮事物。
16. 一個老師 ê 極盡藝術，tio̍h是叫醒學生對創新思維 kap 知識 ê悅樂。
17. 看待小事無點陳 ê人，tī大事也無法度 hông 信任。
18. 偉人chhiâng-chhiâng 會hō͘ 思想平庸ê人強誤解。
19. 教育，是一ê人 kā在學校所學放bōe記了後，留--落來ê 物。
20. 邏輯 kā你 àn A chhōa 到 B，但想像力 會 kā你chhōa kàu 任何所在。
21. 憤怒kan-taⁿ 存 tī 愚 gōng ê人心肝。
22. 資訊 m̄是 知識。
23. 永遠 m̄-thang kā 神聖ê好奇心 phah 無去。
沒有留言:
張貼留言