O͘-khang(烏khang，黑洞)， lán ko͘-chhiáⁿ 照 唸 "hek-tōng" 來專叫 chit 款 太空ê mi̍h-kiāⁿ。 Tih 百幾tang 前， Einstein ê 廣義（lán 感覺 翻做 普遍 有khah 好） 相對論 理論 內底 預測 ê mi̍h-kiāⁿ。 廣義相對論， 簡單 講， lán teh 觀察 物理 現象 ê 時， lán 定規 ài 選 1 ê 參考 ê 座標， 就是 lán ê 參考角度，基礎位置。Lán 人 tī 地球頂，無論 tih toh位， 也不時受 tio̍h 地球 ê 重力（tāng-le̍k）ê 引力 所khiú leh， chit 款引力 koh是 看 bē-tio̍h--ê ê 1 種超距力。 超距力 tio̍h 是 物體之間 m̄免 接觸 tio̍h， tio̍h ē 互相影響 牽引ê 力。 Lán tī 地球ê引力系統內，真自然 ē kā lán ê 觀察座標 設 tī lán ê 身軀邊， án-ni， 地球引力 造成 ê 加速度環境（重力引起 ê 加速度），to̍h hō͘ lán ê 參考座標 變做 加速度 ê 座標系統， tio̍h m̄ 是 慣性 ê 座標ah。
Tī chit 種 座標 nih ê mi̍h-kiāⁿ，對 lán 觀察者 來講， lóng ū 加速度， 像 lán tio̍h 是 有 向地 ê 重力加速度， m̄-koh lán hō͘ mi̍h-kiāⁿ 擋leh， tháⁿ leh， chiah 無 一直 lak 落去。相對論 tio̍h 講， lán ê 座標 nā 一直 往 某 1 ê 方向 加速度 動， án-ni， lán leh 做 實驗 ê 時， ē 無法度分別， lán 是 受 tio̍h "重力ê 引力" iah是 受tio̍h "參考點 tih 運動" ê 影響。[1]
Einstein koh 演論 講， 重力 其實 是 質量重聲 kā 時間空間結構 khiú 彎去 ê現象，也tio̍h是 有 物質重聲 ê 存在， i tio̍h ē kā 時間空間 giú 變形， chit ê時chūn， tī i邊á tih 運動 ê mi̍h 所行 ê 路線 tio̍h ē 照彎曲ê空間時間去走。
Ah nā hit ê 物質重聲極大，空間距離 koh óa，彎曲châm-gâm 厲害， án-ni 連光線 走 hiah-nih kín 也 走 bē 離 ê 範圍。 Chit ê 光線走bē 出--來 ê 空間，hō͘ lán siáⁿ-mih lóng看 bē tio̍h ê 範圍，che tio̍h 是 『o͘-khang』[2]。
[1] 詳細 觀察， chit 2 種 加速度 座標， 有 細節 ê bô-kâng。 重力 tī 空間 上 有 1 ê 中心點， 所以， tī 台灣做 實驗， kap tī 美國 做， ê 重力 方向 無kâng。Ah 某方向ê 加速度 方向， tio̍h 無 chit ê中心點。
[2] Lán講 o͘-khang， 實在 bē-bái， i tio̍h 是 kā 時空結構 khiú liap 做1 ê 光線 走 bē 出來 ê khang。M̄-ku， ài 注意， o͘-khang， m̄是 o͘--ê， 也 m̄ 是 1 ê khang[Lûi Bêng-hān pó͘-chhiong]。
恐顛覆天文理論！科學家發現最古老「怪物級」黑洞
 |
| From：wikipedia |
大爆炸發生 tī 138億年前左右，án-ni 講起來 chit ê o͘-khang tio̍h 是 teh宇宙誕生了後無 jōa 久， i ê 質量 重 kàu 有太陽 ê 8億倍。（人 講 2 billion， án-ni 差 kài chē lioh） Che 致使科學家真 oh 解說，「hit 時 ê 宇宙 ê 物質 iah 無 thang 製造一個 chiah-nih-á hai ê黑洞」，所致發現 chit ê o͘-khang 恐驚ē kā 現在 ê 天文宇宙理論顛覆。
Chit ê 消失 是 綜合外國媒體 ê 報導，MIT、Carnegie 天文台、kap NASA ê天文學家所組合ê 團隊宣布，發現有史以來siōng 古老ê o͘-khang，hit ê o͘-khang距離地球超過131億ly（光年）。因為宇宙大爆炸發生chit-chūn ê 估價 是tī 138億年前，看tio̍h chit ê o͘-khang，tio̍h ná chhan-chhiūⁿ 看 tio̍h tú 出世 iáu bē 滿 7億年ê宇宙，團隊成員之一巴納多斯（Eduardo Banados）形容：「Che ná sêng lán 去發現 chit-má 50歲ê人i 2 歲半ê 時 ê 相片。」
Chit ê o͘-khang質量達kàu 太陽8億倍，科學家紛紛kō͘「怪物級」、「巨人級」來形容chit ê 超大質量ê o͘-khang，i ê 位 tih 1 ê星系ê 中心，koh tng-teh 吞 大量極多ê 物質，形成1種 叫做 Quasar（khoe-sah）ê 天文現象。
科學家指出：「Khoe-sah 是目前所知siōng 光、最遙遠 ê 太空物體，i 對 lán beh了解早期ê宇宙有真重要ê意義。」koh估計chit 種等級 ê Khoe-sah可能kan-ta 有20至100 ê，beh tih 浩瀚宇宙 內底 chhiau-chhōe chit khoán 系統 根本 tio̍h 是「海底摸針」。
使科學家困惑ê是，i 質量達kàu太陽 ê 8億倍，hit 時宇宙 chiah tú 誕生 無 jōa 久，無可能 ē 有chiah-nih-á hai ê o͘-khang存在，MIT ê 教授Robert Simcoe 講： 「Che 是 1 ê 質量超大ê o͘-khang，m̄-koh 宇宙hiah-nih 少歲，無夠 thang 製造 chiah-nih-á hai ê o͘-khang，che 有影 使人費解。」
NASA teh ioh，一定有siáⁿ-mih 特殊ê條件 hō͘ chit ê o͘-khang成長hiah kín，究竟是 siáⁿ-mih 猶原是 1 ê 謎，chit ê 現象恐驚 thang 改寫目前 ê 超級 o͘-khang 形成理論。
延伸：
ULAS J1120+0641 Is The Most Distant Quasar Yet
沒有留言:
張貼留言