PM2.5 kap nano-meter （奈米） 相siāng， kō͘ 長度 單位， leh 講 特殊 ê mi̍h。 尤其 nāi-bí（奈米）純粹是寸尺單位 niâ，tio̍h 是 1米長度 平均拆做 10億份， 其中 1 份 ê 長度，用科學記號 寫做 10-9米，lán 建議台語 讀做 cha̍p kàu hū káu bí， iah 是 cha̍p hū káu hong bí。科學記號 是´Αρχιμήδης建議 ê 記數方式，beh 記寫 數量 差別足大ê 時 kài 利便。
無像 PM2.5 ê P 是leh 指 particle， 後壁 M2.5 也是 長度單位。M是 micro 米， 也 tio̍h 是 1 米 ê 百萬份chi̍t， 比 奈米 是 1000 倍長，也是 毫米 千份chi̍t。M2.5，意思是 2.5 micro 米。所以， PM2.5 tio̍h是 teh 講 漂浮 tih 空氣nih（lán 以早 lóng kan-ta 講 天頂 niâ， 無 atmosphere "空氣" chit 款 概念）寸尺 比 2.5 micro 米 khah 細 ê particle。Particle tio̍h 是 碎粒á， 塗沙粉 hia-ê lóng 有算， 任何物á lóng ē-sái 講。M̄-koh， tī 空氣nih 原底 屬 空氣 ê 物 tio̍h 無算在內，尤其 he khah 純粹 ê， lán ē 講做 化學成份 ê hia-ê， chhiūⁿ 講 sàng素(O2) iah-sī chit素（N2），水煙氣nā 看bē tio̍h ê tio̍h 無講是particle，nā 水霧 看 ē tio̍h ê tio̍h ē-sái 講 水 ê particle án-ni。
PM2.5 到底 jōa 細（jōa 大）？Lán 人ê 頭毛粗差不多50-70 micro 米，海邊á iù 沙 差不多 100。Lán日常生活 ê khiā家 環境 ê 塗hu 大概 siōng iù kàu 10， che 叫做 PM10， che lán用 一般 ê 外科手術 chhùi-am tio̍h ē-sái kā kòe-lī（過濾）大部份 ah。 Lán 人ê 鼻khang，呼吸道nih 也 ē-sái ka-kī ta̍uh-ta̍uh-á kā 清--出來。Ah nā PM2.5 是 jú iù， 外科chhùi-am 無法度濾，走入 呼吸系統，因為 siuⁿ bî-sè，ē tùi 血管 直接亂 chông--入去，無 siáⁿ thang kā 擋 leh。Nā 是 有毒ê lán tio̍h 中毒ah， chit 種 概念！
Koh，PM2.5 事實 lán 目睭看bē sáⁿ tio̍h， 除非 空氣 內底 ê PM2.5 成份 siuⁿ 厚ah，厚 kah 影響 光線，lán chiah ē 看 tio̍h 濛霧 bē 消散 ê 景。Nā kō͘ khah 強 ê 白光 kā chhiō， ē 看 tio̍h "青色青色"。 中國 北京，chìn-chêng he tio̍h 是 足厚足厚， koh 足久 lóng bē 散 ê 景況，in he 當然 PM 10 以上 ê 也足厚，看 tio̍h jú 濛霧。
過去，lán 人 khah m̄ bat m̄ 知驚， 燒金， 熱油炒菜，lóng ē kā chi̍t kóa 對人體健康 ē 傷礙 ê 物 燒去 空氣nih。Chit má lán siōng 驚ê 是 石油化學 ê 產品， 數量大，成份又閣 chōe，ē 傷礙 ê 物 koh jú chōe。 Án-ni 產生 ê particle 無 的確tio̍h 是 PM2.5。
沒有留言:
張貼留言