ài tián-pó

部落格媽媽為衝人氣 灌鹽害死兒子
Chit ê sin-bûn, 聽--khiaih kài 恐怖, in-ūi 序大人ê愚痴, gín-á 枉送sìⁿ命。Chit 款案例 其實chió-kherh[少缺]。

Lán ka-kī iah gín-á ê時, lán 對大人世界ê 應對規律一直tio̍h bōe 慣勢, kám-siū 足bái。Lóng 是序大要求lán ài 出去kap 其他ê 大人chih-chiap, tio̍h 阿叔, 阿伯, 阿姆... 等等胡亂叫, koh 有he 三八ê 人 ang-á-bó͘, chi̍t ê 叫 叔, chi̍t ê 叫 姨, iah是 姊姊, iah是 伯姨, lóng 亂倫了了。Koh  m̄知toh 位學ê, X爸爸 X媽媽 直直叫, lán 對chit khoán ké-pâu ê 禮貌, 實在足反感。 Ná m̄ 直接介紹人, 友善ê 態度siōng要緊, koh 來 tio̍h hō͘ in ka-kī 去 交陪 tio̍h 好ah, m̄免hit têng 假親ê親成關係leh. Gín-á  mā thang tī 交陪ê 經歷nih o̍h 會曉kah lâng chih-chiap, 尤其 kap 無kâng 輩ê 人。

Chit 條新聞, 顯出 另1 ê 問題。 Gín-á tio̍h 是 ka-kī ê siōng 好, siōng 讚, koh 愛別人來o-ló, ji̍h 讚。 窮實 che 是大人ka-kī ê 心理補償。 Lán chēng 早tio̍h 反對, 理路真簡單, 藝術品teh 製作期間, iah bōe 完成, 通常khah 上腳ê, 是 無愛hông 看tio̍h chiah tio̍h。Gín-á ê 行放lóng iah bōe 定性, tio̍h 是未成品, hiah 早tio̍h beh phóng 出來 展, tio̍h 是beh 展pē-bú ê 工夫niâ, 根本sī是gín-á 本身ê 性質, iah是才調。 當然gín-á 有gōng 有khiáu, 有gâi, 有liú-lia̍h, 有 put-tóng 有古錐, beh 趕緊展siáⁿ-mih ？

Kâng 1 套想法, lán tio̍h ē-tàng 了解, 是án-chóaⁿ lán Tâi-oân 人 國中高中ê 數理程度普遍真好, m̄-koh, 對人文思考ná 白痴, che 當然無必然關係. 然後,lán 看 會tio̍h, lán chia ê 人, 根本m̄ chai ka-kī ê 才調kap價值,  ē-tàng 持續, 變數學家, 科學家ê,有出脫ê 無幾ê。

Lán ê 想法真簡單, hō͘ gín-á kah 自然環境 無特別隔離ê 發展空間, 人文mā sio-kāng, chhin-chiâⁿ 五十mā sio-siāng, 序大thang 出力出chhùi ê 是提供 lán ê 人生觀, 社會觀, 價值觀hō͘ in 參考而已。