kì-liām-phín

chit-chūn, khòaⁿ--tio̍h che kì-liām-phín, siūⁿ-kóng, kám chiah kiàn-kó͘？Tâi-gí kài 95 % ê mn̍gh-kiāⁿ lóng án-ni。

21 sè-kí ah, chòe Tâi-gí ê lâng iā kòe 50 hòe khí-khì, 1 thâu kiaⁿ in ka-kī ê keng-giām, kám-chêng chiām-chiām siau-sit, bô khì, iā hoan-ló tióng-pòe ê thoân-thóng bē-ti̍t thoân-sêng, tek-khak kan-khó͘ peh-pak。1 thâu sin kho-ki, sin sè-kài sin bûn-bêng tòe bōe hiah óa, kiông-kiông beh hông piaⁿ āu-piah khì. Phah-sǹg án-ni iā  chin kiaⁿ-hiâⁿ.

Chóng-kóng chi̍t kù, siā-hōe chú-le̍k, tiong-liân, chheng-liân, chu-kim, bûn-hòa chu-pún,  poah lâi chòe  Tâi-gí ê thài chió thài chió ah.  Bē-su  soa-bô͘ tán bô hō͘-chúi, kú-kú chiah 1 pái sap-á hō͘ án-ni。
Koh cheng-sè chiah bái, Lán Tâi-gí mā iah-sī beh sí m̄ tn̄g kun. Chin jūn-miā to̍h-tio̍h.

Koh ū-lâng kóng seng-seng-bia̍t-bia̍t sī chèng-siông ê gí-giân hiān-siōng。Lán tio̍h m̄-sìn。Án-chóaⁿ chèng-siông？Tâi-oân Tâi-gí cho̍k-kûn siau-sit sǹg chèng-siông？ Pòaⁿ sè-kí niâ tio̍h bia̍t-bông sǹg chèng-siông ê gí-giân piàn-hòa ？