chhit-jī sì kū ū kui-kí, bô-lâng khan-khioh m̄-chai ki,
初步鬥句著抾字，平仄押韻那做詩。
chho͘-pō͘ tàu-kù tio̍h khioh jī, piâⁿ-cheh ah-ūn ná chòe si.
----------------------------------------------
七字歌仔捎來唸，唸thàu袂薟也會鹹，
chhit-jī koa-á sa lâi liām, liām thàu bōe hiam iā ē kiâm
歌仔漢字讀也忝，大字欲識著逼籤。
koa-á hàn-jī tha̍k iā thiám, tōa jī boeh bat tio̍h pek chhiam
-----------------------------------------------
閣有科技一新樣，輕鬆加持寫文章，
koh ū kho-ki chi̍t sin-iūⁿ, khin-sang ka-chhî siá bûn-chiuⁿ
歌仔 C D放咧唱，聽久心內通做場。
koa-á CD pàng leh chhiùⁿ, thiaⁿ kú sim-lāi thang chò-tiûⁿ
---------------------------------------------
線頂辭典著捷用， 字句知識勻條傾
sòaⁿ-téng sû-tián tio̍h chia̍p ēng, jī-kù chai-bat ûn-liâu khêng
傾久汝著成gâu揀，較贏四界問先生
khêng kú lí tio̍h chiâⁿ gâu kéng, khah iâⁿ sì-kè mn̄g sian-seng
.JPG)
沒有留言:
張貼留言