〈孤兒〉têng-tha̍k

Plots：
1. 序章， 起khiàn， 金水嬸á 認屍 ，回顧。
2. 頭半段，孤線講 榮平 kàu 11 歲老pē 也死 。頭á，無老母thiàⁿ惜，老pē  soah失主意， 無 注心管顧 i。
疑問：1. lóng 無chhin-chiâⁿ kiâⁿ-kha ？2. án-chóaⁿ 度活，收入 ê  問題。 國中kám 免 考試？
3. Kàu 偷走厝chìn前，hō͘ a叔 kap a嬸 chhiâⁿ。態度 jú 自封鎖，nah ē 肯聽 音樂老師ê 話？
4.1 金水á chit 頭 榮平 走 無看見去， khòa-tiàu 過日。 Kàu 50歲 chi̍t日透早hông 考銃 死，接回 起頭。
4.2 榮平 偷走ê 理由 kap 發展，kàu phah 死a 叔，koh m̄ 知影。
5.  phah 死 a 叔無功勞， koh因為 a叔枉屈坐罪， hō͘ i 拖累 hông 開除！。
6. 收尾。

Voyu Taokara Lau 用 ê 台語， 確實 láu， gio͘h-toh，也 súi-khùi！ Chiàⁿ範in tàu-tīn--ê 夥計！
Sió-khóa 孤介ê 榮平 káⁿ 是 i tī真實世界siōng  chia̍p 呈現ê 面chhiuⁿ，是講，bōe hiah m̄ 知好bái lah ho͘ⁿh！

讀了，kâng款有lán 台灣人心悶 kap薄薄ê哀愁，phah-sǹg beh 叫lán 重新思考 lán ka-kī ê 身份。Nā ke kóa 環境 因素， pháng ē khah chōe 發展可能，m̄免半癲gâi。

結論：孤兒是 孤介造成 iah是 制度洗腦造成leh？ 先切斷 pē-kiáⁿ 關係，學校 koh 灌另 1 ê身份， hō͘ i 認同，tì-kàu 精神錯亂？
"絲--ê o͘h！" 有jōa chōe m̄願， jōa chōe 不解 ê 不該 leh？

thòe-hòa

身軀ê 部品， 器官 日日有所siau-mô͘，時時teh 退化，退化kàu chi̍t ê khám-chām，lán 知覺tio̍h，hoah 講 是 病，老，liam-mi 死，苦！

退化kap 失能kau-kâⁿ，無停bōe-làng chiù-chia̍h 人，身軀，心也kâng樣， 佛所講無常是常。變新ê mi̍h kan-ta tio̍h 是 不時 tio̍h 去適應 體能、感官ê 落崎改變。 Chit ê 適應，無 tú-tú 熟手， tiāⁿ-tiāⁿ tio̍h 重新認bat，練習，確認。M̄ khì 適應，拒絕認識改變，拒絕改變，阻擋改變，有ê thūn 金khōng 銀，概 lóng 徒勞而已。

慈悲佛陀有教示，tiám-tuh 國王，taⁿ 汝看恆河水，kap 汝早時看ê，有變--無？ Che 現代時， châu 失效去， 世界大溪 lóng kiōng-beh ta-khó 去，溪水流bōe kàu 大海！ M̄-koh，智者佛陀是講， 汝所看所覺， chit ê 看 ê 精明，覺ê 靈通 有變--無？

恆河水tio̍h是汝ê 覺心，是常，bōe 變，因為bōe變， 汝 chiah ē 一直感覺 生、老、病ê 艱苦，破病chōe pái bōe hō͘ lán khah 慣勢，khah bōe 艱苦。 Che 保羅 也有寫，i 頭痛，chia̍p 疼，疼 kah hoah Siōng-tè A-pa-pē， m̄-koh bōe 好。

Án-ni，覺心圓明， lán 有siáⁿ 好？Ke 受苦niâ， kám m̄是？知苦生出離心，好修行，出離世界，妙明真心tī tah-lo̍h？七處徵心，有大智者牽khioh，koh iā 啼哭sì-lâm-sûi， lán leh？

妙明真心kì 無屬 lán 一身，講是 我執相，我執無我執，kám tio̍h bōe 痛苦？證現妙明真心 kám tio̍h真正 ē hō͘ lán 離苦？況且 得樂 leh？

Hallelujah -- Leonard Cohen kòe-sin

Chit tè 歌，lán 聽 tio̍h 薄薄 哀傷... bōe-su lim 高粱.... 

Kám m̄ 是講 o-ló Siōng-tè A-pa-pē？ 悲傷症頭 ê 起蒂 tī tah-lo̍h ？有人 講， 人生ê苦湯，我 自sè-hàn chia̍h thàu-thàu ah，  bô愛koh chia̍h 苦瓜 ah！投射心理學講 lán 看 別人 ē 艱苦, 窮實是 ka-kī ê 苦， 佛也講 che 心相應。

Lán teh 苦án-chóaⁿ？ Leh 苦 八pái lah！無chi̍t 日 正常ê 國度，lóng 有 別人ê thiàⁿ心 leh kā lán am-ô͘。 幼時 有pē母，阿媽thiàⁿ惜，少時 也有姊妹，先生thiàⁿ-thàng，kàu 轉大人koh 有 親家人 kap 牽手saⁿ 愛護，chhut 社會也有 朋友前輩 saⁿ 牽khioh。Ka-kī soah lóng 無 貢獻。 無災無病， lán teh 苦 八pái ？

Pháng， che 也是chi̍t 種心理學 leh 講ê 同理心ê 款。 Án-ni-siⁿ， lán 好ka-chài，iáu sêng 人。


Chit tè 歌，厲害， 旋律無 kài 複雜， m̄-koh， hō͘ 人 聽 bōe ià， koh ē-sái 隨人 變造， 所致，i真chōe 變體teh 流通，也 全世界ta̍k 國人 lóng 普遍kah-ì， 也 ē-sái 改。

tha̍k 〈Pēⁿ〉

借用 Chùn-chiu ê ōe：出現tī 小說lih narrator ê 作用 kap 必要， lán ài 研究，思考。
tì-kàu 小說結構， lán 發現 kap〈Hâⁿ〉有 sió-khóa sio-siāng。Hit-ê 故事引言 ê 我 ê 部份， kap story 牽涉無深，i 人iā 無 hō͘ 故事內容影響？ Kám kan-taⁿ 走閃非洲 tio̍h 是影響？ 無 交代？
Nā ka 我 頭段部份thâi-sak，改篇名 做（浮起lih 做王）kám 好？

火燒研究所 ê 事故 thèng-hó sa 去 做 起頭， hit ê 我 chìn-chêng 收tio̍h in 老師ê phoe kap 指示， chiah 開始tháu， 故事chiah 展開。變 探偵格 ^ ^

極機密 ê Phû-lí-ōng（浮起lih 做王），設計siōng。Òe-thòaⁿ ê 過程 kap 關鍵應當 ē 出現tī 檔案lih， iā 是 siōng 重要ê 改密 key， m̄-koh mā 無看--tio̍h。症頭 kap òe-thòaⁿ！ 李醫師 chiah 是頭1 ê kha̍p tio̍h 病人（患者）ê 關鍵人，ē-tàng chioh i 來發展， i 也 無意中知影 ， i 心內kám bōe 有 變化？起tì， giâu疑， 發現愈chōe 祕密，òe--tio̍h， 拒絕承認，改變行放... 可惜 chit 線。

Koh 有 ē-sái kā 讀者 講 Phû-lí-ōng ê 毒性火燒 bōe 消， 留 1 條尾溜 （狗á beh 做狗王， che 本來 tio̍h 會...）

chho͘ tha̍k 〈hâⁿ〉

粗讀〈hâⁿ〉

土曜日台語文學寫作讀書會@路邊

頭chi̍t 段〈走閃〉，逃兵 寫了 真 chán！ 
跳接 主角ka-kī 逃兵 ê kì-tî， 是 khah ē-tàng 接beh 講ê 故事，是講，kám bōe 考慮 現場 kap 過去kì-tî ê similarity kap difference， 心理反應leh ？ 除了 "明白"、"同情" koh 有 無？ kám bōe 驚？ 驚 hông 牽連--tio̍h？
篇名 改做 〈逃兵〉 無的確 khah sim-sek。
第二段〈走chhōe〉 身世？ ē-sái 改做 〈身世〉
第三段 過去kap 未來 交接 tī chit tia̍p chit phāng，天時bái， 人也是ē-tàng 出kha 手。
陳啟章ê 決定kap 行動 應當 ài 對 未來 有khah 明顯ê影響（i 個人 iah 是 阿䆀--á in 母á-kiáⁿ，koh ē 影響 tio̍h 添福á ê 一生）！
---
1. 主要 ê 連結是 "人"， m̄-koh 對 人性， 人 ê 動因 描述 siuⁿ chió。
2. 角色氣口， khah 薄！
3. 3 段式，連結力無夠！ kan-taⁿ 人名 陳華，m̄-koh 描述也 siuⁿ chió。
（主角換名 應當 ē-sái 有 khah 重ê 意義， 無講--tio̍h）

ji̍t-chí

Pat thiaⁿ  lâng 講起， ji̍t-chí

Ē kā   lâng 拆chia̍h落腹
是講 時間無腹腸
Kā  lâng 拆 kah m̄-chiâⁿ  lâng
分張 hō͘ 世間眾生
也算功德

窮實 ji̍t-chí hóaⁿ-hóaⁿ 幻幻 lah
也有光彩 樂暢 ê 日
也有àm-sàm 悲傷 ê日
光彩 àm-sàm saⁿ lām ê日
也有 hóaⁿ-hóaⁿ 無明 ê 日

驚 sī 驚hiâⁿ ê 日 siuⁿ chōe
Àm-sàm tò͘ kèr 光彩歡喜
Soah 悲情無盡
了後，hóaⁿ-hóaⁿ 度活
無彩 lâng siⁿ
無彩 人生
Siōng 驚 chit 款 人生

eng-thô chhùi kap n̂g-kim kiàm

Chit lia̍p 小山崙á，káⁿ 是 人 put 塗來 kiat ê，無夠 五層樓koân，是講山勢 不止á kiā，koh 無 位 thang peh--起lih，tio̍h  菅芒 lah，赤cha-bó͘ kap 幾欉 鹿á樹，鳥榕 發kah chi̍t tah chi̍t tah ām-koah-koah。山勢 tú beh giâ--起lih  chìn前， chi̍t 位 差不多 3尺深 2尺半闊，khah 平ê 所在， 不時有 1 ê kui su 白衫 ê cha-bó͘ gín-á tī hia chē，看---起來， su̍h-su̍h，m̄知 leh sīm siáⁿ-hòe。Koh 也m̄ bat 看 有siáⁿ 人 kap i 做夥，所致，無人知影i 有siáⁿ-mih 經過。

小山崙á 邊a chi̍t phiàn 沙塗空地，m̄知siáⁿ 人ê，變做附近gín-á kap gín-á 大人聚集 sńg，thit-thô ê 所在，四周圍 khah 無人行踏，雜草 tio̍h發kah chi̍t phō chi̍t phō，m̄-koh ta-sán ta-sán，óa 路邊chit pêng 比路面khah kē，差不多 kan-ta gín-á kha肚koân niâ。

Hit kang，gún chiah-ê 浮弄貢--ê 長長短短行óa來 chit 塊 空地á，話仙，khà hó͘-lān，練功夫。 Beh 晝ah，ta̍k-gê 款 beh tńg去 ê時，阿貓青pōng 白pōng chông--來， ná hoah-hiu，有人teh 頂街phún， 欺負 lán ê人。眾人sûi 變面chhiuⁿ，無參詳，lóng 緊chông 去。

結果，武俠齣nih？Hit ê 人giâ 1 支 大刀，像關刀無tàu柄，teh 頂街 指指tu̍h-tu̍h， 意思 chia-ê 人 lóng 無kioh-siàu，無才情，無功夫， koh 無膽 án-ni，chhì-giâ-giâ， 真iāng，beh 起khang 惹事to̍h-tio̍h ah。

阿龍也 手giâ 1 支 闊面黃金劍，金 chiàn-chiàn，1 步踏進前，kap i sio 對相，beh 做i ê 對頭，喝講，"汝siáⁿ人，敢來亂？"

"先輸贏，看你有資格thang 知影--無！"
"好！"

2 人 kha步 chê 動，khiang 1 聲，黃金劍對 i 頷頸邊a hôe--過，對方大刀 lāi sih-sih tú pha 來 阿龍後khok下 頷頸ê 所在，阿龍早tio̍h 回劍格 tiâu leh ah。2 人 跳開 koh 對相，kâng款 koh i 動我也動，我動i 也動，阿龍koh 1 pái kō͘ 黃金劍劍身hôe kòe i ê 頷頸，對方也sio-siāng 大刀koh phut 來阿龍後khok下頷頸，kâng款 hō͘ 阿龍黃金劍格leh。是講，眾人chiah 看tio̍h 黃金劍根本無磨。

"汝 siáⁿ-mih 名？" hit ê 人 收勢 kā 問。
"我 阿龍。汝 siáⁿ人？"
"我 阿虎，頂港來--ê。汝功夫bōe bái！"
"你 giâ 大刀， ài koh tńg去練--幾tang ah！"
"Heh，我敬重汝， 汝káⁿ 教示--我！ Koh 來！" 起刀 koh beh 動手。
"擋 leh，nā 真正beh sio thâi， 你 早tio̍h 死ah， 你 m̄知nih？ 我ê 劍 lóng 先hôe tio̍h 你ê 頷頸ah！ 你koh leh。"
"是有影，m̄-ku 我也lóng bô chùn-būn tio̍h。"
"你看！" 阿龍giâ 黃金劍 hō͘ i 看。
"是，阿龍兄，我拜服。"
"好lah， 交 1 ê-á 朋友 tio̍h 好。"
眾人自án-ni，圍óa--來，ta̍k-gê 熟sāi--chi̍t-ē。阿龍講 黃金劍ài sa khì 還王爺， ka-kī 1 路，其他ê 本底beh tńg去ê soah kap 阿虎 做伙去 chia̍h 晝 講話。

阿龍行 翻頭，tńg來 空地á，oat 過 看 小山崙á hit tah， 果然 hit ê cha-bó͘ gín-á tī hia。阿龍看 tio̍h 心也寒--tio̍h。

I 有 察覺 tio̍h阿龍來，taⁿ 頭 kā 看。 面肉白白，目睭烏仁白仁真明，目眉是幼幼ê 柳葉眉，鼻thêng-thêng 細粒細粒，chhùi唇 ná 櫻桃，色也是sêng 赤赤赤櫻桃色，phah 1 iân油光， ah 面模á 標準ê 瓜子形， tio̍h kán-ná 畫ê hit 款，koh sêng 韓國 標準手術過ê cha-bó͘ gín-á hit 款。看--起來真少年，m̄-ku 舉止行放卻是穩重，sêng Thina，法國中尉ê cha-bó͘人。

阿龍，m̄ pat 看過 lán chia 有chit 款面形ê 人，也印象中，i 行踏過ê 所在也lóng m̄-pat 看。心內hiāuⁿ-hiāuⁿ， i mā m̄知是án-nóa，i ka-kī ē hiông-hiông 起意翻頭來chia。看 i 目睭有雲飄過彼款teh 看 i，阿龍 chi̍t 時間 聯想tio̍h Yokho Mary， soah ka-kī phái-sè--起來， lê-lê oa̍t頭，koh oa̍t tńg來。

"ēⁿ..."
"我tī chia kám ē 妨礙tio̍h lín？"
I soah 先開chhùi。