Lán ē 記-eh 國校 ê 時， Gún pâ 有 chhōa gún kui 家口á， 去 兒童遊樂園，hit 陣 kap 台北動物園 lóng tī 圓山á。 入園 tio̍h 門票， ta̍k 項 thit-thô 物 koh tio̍h ài koh 買 票 排列 chiah ē-tàng 去sńg。
 |
| chit 項 叫做 UFO |
Lán hit kú 也 m̄ 知án-chóaⁿ，頭殼 ē 想講 ài 加開錢， tio̍h m̄ 去sńg，也phah-sǹg gún 姊妹á也kâng款 án-ni 想，結局，阿pâ 買 ê 票 soah 用 無了，tio̍h tńg 厝 ah，pìⁿ做 kan-ta 去 看動物 niâ。
了後，kan-ta 1 pái 機會 kap A 芬á 去 Malaysia，坐 雲宵飛車 Roller coaster niâ其他 khah 刺激ê, khah 心色ê lóng 無sńg 過。Chit pái， 陪 a-sáng 去名勝地區 thit-thô， thâu 1 pái sńg hiah-ê thit-thô物á。
Khah 好ka-chài ê 是， lán 差不多tú好， 心理kap 5 歲 差不多，chiah thang sńg kah chiâⁿ thiòng。頂禮拜六， Topi 牧師講 lán chia-ê 人 chōe-chōe， 心內 lóng hō͘ koân-koân ê 圍牆á cha̍h leh，看bē tio̍h 外口 ê 世界， iā 外口ê 光彩 也 chhiō bē 入心。I 替lán 祈禱，耶穌已經用寶血替lán 洗清 ah，lán 是自由ê 人lah， m̄-thang koh 受 捆縛，lán tio̍h chhiūⁿ bā-hio̍h thián si̍t 高飛。
Lán 體驗 頭殼知影安全，心理iáu是 kiaⁿ-hiâⁿ ê 經歷，UFO，chhèng koân 50 公尺， chiah 放落來 ê自由落體。Ta̍uh-ta̍uh-á chhèng koân， lán tio̍h 開始chhoah ah 講，tī siōng 頂頭 停 無半分鐘。 放！ lán聽tio̍h 別人teh 哀， lán 慣勢做 奴隸ê 款， bē 哀， kan-taⁿ 目睭 瞌ân-ân 一直kàu 椅á koh kā lán sîn起來。 落機台ê 時，kha nńg-nńg，心肝phih-phoh chháiⁿ， 阿芬á kāng 講， 心臟一直跳。 Lán soah 起愛笑講， ah 無 汝心臟 tī-sî bē跳？
了後，隨去坐流籠 往日月潭，有 3 chat。 Lán 心chiâⁿ iáu bē tiāⁿ-tio̍h，koh 坐 he kha 底 空空ê 流籠，心也tám-tám，好ka-chài 有人比lán khah 驚， Lán tio̍h khah 無咧 chhoah。 事實， 流籠足在， lán nā mài tín動， bē hián bē chùn。Tī 日月潭hit chat khah kiā，天氣nā koh khah 好--kóa， 光景 tio̍h ē jú súi。小khóa 落雨，mā 無kā PM2.5 洗清氣， chiâⁿ 害。
Tī hia， lán 有 看 tio̍h 真chōe 團 來thit-thô ê， m̄-koh，好笑神ê kài 少， 尤其媽媽類ê。Lán 也 發現 有中國團，越南人。總--是lán iah 畏人， m̄ 敢kap lâng sio chih-chiap。
Hioh kah 雨 停，tio̍h koh 坐 翻頭。隨去坐 monorail se̍h 園， 差不多10 尺koân有， ûn-ûn-á 來，chin 安心 看光景， sim-chiâⁿ 安穩。
Koh 去 坐 旋轉馬á， 真正迴轉 chhin-chhiūⁿ gín-á， 心肝chiaⁿ 清爽。以上 lóng lán 頭 1 pái 經驗 50年 bē輸5歲。
了後，kan-ta 1 pái 機會 kap A 芬á 去 Malaysia，坐 雲宵飛車 Roller coaster niâ其他 khah 刺激ê, khah 心色ê lóng 無sńg 過。Chit pái， 陪 a-sáng 去名勝地區 thit-thô， thâu 1 pái sńg hiah-ê thit-thô物á。
Khah 好ka-chài ê 是， lán 差不多tú好， 心理kap 5 歲 差不多，chiah thang sńg kah chiâⁿ thiòng。頂禮拜六， Topi 牧師講 lán chia-ê 人 chōe-chōe， 心內 lóng hō͘ koân-koân ê 圍牆á cha̍h leh，看bē tio̍h 外口 ê 世界， iā 外口ê 光彩 也 chhiō bē 入心。I 替lán 祈禱，耶穌已經用寶血替lán 洗清 ah，lán 是自由ê 人lah， m̄-thang koh 受 捆縛，lán tio̍h chhiūⁿ bā-hio̍h thián si̍t 高飛。
 |
| 坐 高山流籠 |
Lán 體驗 頭殼知影安全，心理iáu是 kiaⁿ-hiâⁿ ê 經歷，UFO，chhèng koân 50 公尺， chiah 放落來 ê自由落體。Ta̍uh-ta̍uh-á chhèng koân， lán tio̍h 開始chhoah ah 講，tī siōng 頂頭 停 無半分鐘。 放！ lán聽tio̍h 別人teh 哀， lán 慣勢做 奴隸ê 款， bē 哀， kan-taⁿ 目睭 瞌ân-ân 一直kàu 椅á koh kā lán sîn起來。 落機台ê 時，kha nńg-nńg，心肝phih-phoh chháiⁿ， 阿芬á kāng 講， 心臟一直跳。 Lán soah 起愛笑講， ah 無 汝心臟 tī-sî bē跳？
了後，隨去坐流籠 往日月潭，有 3 chat。 Lán 心chiâⁿ iáu bē tiāⁿ-tio̍h，koh 坐 he kha 底 空空ê 流籠，心也tám-tám，好ka-chài 有人比lán khah 驚， Lán tio̍h khah 無咧 chhoah。 事實， 流籠足在， lán nā mài tín動， bē hián bē chùn。Tī 日月潭hit chat khah kiā，天氣nā koh khah 好--kóa， 光景 tio̍h ē jú súi。小khóa 落雨，mā 無kā PM2.5 洗清氣， chiâⁿ 害。
 |
| 日月潭纜車站 |
Hioh kah 雨 停，tio̍h koh 坐 翻頭。隨去坐 monorail se̍h 園， 差不多10 尺koân有， ûn-ûn-á 來，chin 安心 看光景， sim-chiâⁿ 安穩。
Koh 去 坐 旋轉馬á， 真正迴轉 chhin-chhiūⁿ gín-á， 心肝chiaⁿ 清爽。以上 lóng lán 頭 1 pái 經驗 50年 bē輸5歲。
沒有留言:
張貼留言