清明 Myth chiap-sòa

Cho--ji̍t, 睏 kah chi̍t 半， 發覺 ka-kī leh 睏, koh hām-bîn 做夢。  足 清楚 ka-kī leh 眠夢， 夢境 bōe 少人，óa tī 溪邊，chi̍t lâng chi̍t 路, 有 i ka-kī ê 目標。 Lán 知覺 ka-kī  leh 做夢， 想 berh 確定，走落 溪á， àⁿ 頭 看， 溪水chiah nih 清涼 kah chhiⁿ-léng，也 chiah-nih 清氣， nā眠夢, 感受 kám 有thang chiah 明？ Koh 檢查 chi̍t pái，soah 矛盾， 感覺感受lóng chiah 清明， 理智 khiok 也 確定 ka-kī leh 眠夢。

Cha-hng， tit-beh 精神 chìn-chêng， sio-siāng。 Chi̍t ê 聲音 chiah-nih 清 chiah-nih 明, 現現都 某人ê 聲，目睭 peh 金， 果然 隔壁 人， m̄ 是 hit ê 某人， leh 開講。

Téng-pang 也 有 chi̍t kái， chi̍t 禮拜外 ê 款， 有想tio̍h beh 記 chiah bōe bōe記得，是講精神無 半點鐘久， tio̍h 真 蒙霧去ah。

Lán 知覺 tio̍h chi̍t hāng tāi-chì， 夢境 iû-goân 足清醒， m̄-ku bōe sòa-chiap 意識 ê 世界。Iah sī， lán lâng lóng tī-teh 夢境 tō͘-oa̍h, nā án-ni, án-nóa 眾生是苦，何mih苦？ Ka-kī ê 頭殼 leh 設計ka-kī ê 苦境~~