Kū-tē

色空不異siáⁿ 人講，是諸法空相苦空，顛倒夢想bōe 停擋，西方極樂bā 無蹤。

Lán hit-kú iáu teh 聯考制度 ê 時，頭kài 先考chiah 選學系志願。Hit-chūn lán tio̍h tùi 師範系統莫名 ià-lak-lak，堅心 師範ê 學校 lóng bô 標寫，結局 chiah 去新竹讀交通大學。

Chit kúi tang leh 學校，kah 做台語運動，lán lú-lâi-lú 發見 究竟 chit ê 系統 正是 siōng 威權ê 制度，lāi-tē ê 人員，運作文化、風格 kap 流程 to͘ lóng 是。Chhiūⁿ 講 kàu taⁿ iáu m̄-goān hō͘ 台語 ka-kī 號做台語， 強壓講是閩南語。

Chêng 幾日， 台大koh 有 大教授 禁止人 tī 會議頂面 kō͘ 台語講話，koh 講 人講台語 bē-su 二手hun， ē  害人中毒。 2019 年，中文人ná iáu oa̍h tī 15世紀 lìn，無論in 手頭 ē sa sáⁿ gōa 進步 ê科技產品。莫怪，lán ê 人 kan-na chhun chhoh-kàn-kiāu thang 出聲。

In to͘ 無leh kap 人 講人話，koh 佔tī 社會高階地位 chiâⁿ 久，in 四 kho͘ 圍á 也 chhăoh hit khoán 人。而且，nā hông 刺激，in tio̍h ē pn̄g hit-ê 威權體制 ê 威力 kâng hip，甚至 kâng chhòng-khang。 學術 in sa 來 leh 欺壓 人， chau-that 人 niâ，liân in ka-kī kho͘-á 內 mā án-ni 互相khoán-thāi。