Chang-mî chiok iū ê sî
Goán chai-iáⁿ án-chóaⁿ khùn--khì
Ē-kì-tit sim-koaⁿ-thâu ân-ân
Lî-khui sī siàu-liām ê chí
Koàn-sì kā lí kóng, Boán-an
Sī kóng, khiàm lí lâi kóan
Chit mî góan chhiân kah chiah iū
Boán-an
Liáu-āu koh chheh-khùi
Pîn-thâu koh lâi
Tùi lí iù-chíⁿ khai-sí
Chi̍t tiám chi̍t tih
Kám khùn--khì ah?
Ná m̄ kóng--pòaⁿ-kù-á
Lán phái khùn
Thau-thau-á kā lí so
Sio-sio eng-ui ê sin-khu
Hit tia̍p lí hiông-hiông
Ba̍k-sek chheng-chhái lāu-sîn chāi-chāi
Bô koh gín-á-sèng
Ē-hiáu thé-thiap góan
Khióng-kiaⁿ--ê ta̍k-ji̍t phah-phún siuⁿ thiám
Bōe-kham-tit, Góan chai-iáⁿ
Ba̍k-chiu oan-nā chhut-chúi
Hit tia̍p
Kāng-khóan ē-kì-tit
Sio-sio tua̍h-ta̍uh-á thè khì
Sī lah, sī góan chhin-chhiú tah leh
Sioh-sioh
Chi̍t chhiú sim-koaⁿ
Chi̍t chhiú lí ê
Thàu-chá pòaⁿ cheng-sîn hit chūn
Khòaⁿ bô lí
Khòaⁿ lí tián-sin
khòaⁿ lí chhun-ûn
Taⁿ
He se̍k-sāi ê thé-un
Sī lah, sī sim-būn ê ióng-hūn
Kiông kek chhiò-bīn chhut-khì
Ū--bô ?
Gōa-kháu chhia-lō͘ hia lán ta̍k-ji̍t sàn-pō͘
Lí tio̍h tò-oat
Koh-kòe chháu-á-pō͘ kāng-khóan thô͘-hiuⁿ
In tī hia chù-sim chim-chiok
Tiāⁿ-tiāⁿ góan m̄-chai lí teh kian-chhî siáⁿ
Gêng-sim khah tāng kôaⁿ-léng ê hō͘-chúi
Kì-chāi i lâm
Tiān-ōe háu kóng: bōe-hù ah
Kòa-tiàu ê pak-tn̂g chhe̍h-té
Bī-lâi sè-kài li seng khì
Lán taⁿ thé-hōe tio̍h
Lâng sim phòa 1 khang hit kám-siū
Lí lán bô kàu liáu-kái
Ná bô ke koh sûn--1-ūi
Tī che pòaⁿ chháu-tē ê chng-siā
Chhin-chhiūⁿ lí
Lán tàu-té teh kóaⁿ beh chhòng siaⁿh
Sî-kan lán éng-oán ê sok-pa̍k
Bōe-hù, bô kàu chhêng-chāi
In tiāⁿ kóng--ê
Siông bû-siông ê tō-lí leh phah-phài
Sī-kóng, nā bô sî-kan
Beh cháiⁿ-iūⁿ i-tī lán ê sim-siong
Tâi-gí tio̍h kóng chún saⁿ-tǹg, chiâu-ûn hēng-hok ū só͘-ǹg, bán tê po-koa siá lo̍h kǹg, Tâi-gí hēng-hok soaⁿ tê-hn̂g。
台語著講準三頓,齊勻幸福有所向,挽茶褒歌寫落卷,台語幸福山茶園
Si sī teh an-ùi ū kàu-ióng ê lâng, só͘-chò ê thit-thô oa̍h-tāng。
詩 只是安慰 有教養的人 所做 ê 遊戲。
訂閱:
張貼留言 (Atom)
hiān-si̍t
Sì goe̍h cha̍p-la̍k, lán thàu-chá ba̍k-chiu peh kim, oa̍t-thâu khòaⁿ piah téng ê sî-cheng, cha̍p tiám cha̍p-gō͘ hun, chhoah chi̍t-ē t...
-
1. TLH Thâu-lâng ê sú-bēng Lán Tâi-gí lâng hō͘ lâng kóng: lín chiok ū-sim, ū jia̍t-chêng, góa chiok khim-pōe--lí. M̄-kú beh siá Tâi-gí, beh ...
-
Bōe sái lâm tio̍h hō͘ ! Lí ē kám-mō͘ (í-chá kóng chòe kám tio̍h hong-siâ). Lán lâng m̄ chai tī-sî khai-sí ū án-ni ê khoàⁿ-hoat koh chhim ka...
-
Iū-koh leh siá he ah bô thâu bô bóe Khoài pō͘ oh kái--ê In-iû lâng bat kā i kiò-chòe si-jîn sim-koaⁿ tòe kha-chhng phû kah pòaⁿ-thiⁿ-tén...
沒有留言:
張貼留言