聲音唸古
1.
足古早真古早有夠古早ê以早， lán 台灣有雲豹， 石虎，水鹿á， 烏月熊 滿四界pha-pha 走ê 古早。
Tī hit ê 好 khiā 起 ê 山內底兜，有樹林ê所在有 1 隻 貓 á，i 看tio̍h he 虎 leh lia̍h 獵物ê 時 有夠厲害，足厲害，真厲害， 大 hoah 1 聲，無論siáⁿ-mih 獵物 tio̍h lóng m̄敢 tín動。 貓 á 足 欣羡， 足愛 真愛 有夠愛 beh kā i 學 chit 步功夫，因為 i 家己 beh lia̍h niáu鼠ê 時， niáu鼠 lóng 足gâu 走, 足gâu nǹg，i lóng tio̍h 直直 jiok， 直直jiok，jiok kah 喘 phēⁿ-phēⁿ， koh 有tang-sî-á 會 jiok kah 無去。 10
I tio̍h 去 iang 虎 教 i。 虎真大方， 答應i， m̄-koh， i mā iang 貓á 教 i peh 樹 á ê 功夫。貓 á mā chin 爽快 答應。 是講，貓á 講： 我 khah 細隻，汝 khah 大隻，m̄知汝會kā 我騙--bōe？ Lán 來去 chhōe人做公親中人。虎ìn 好。
Tú-á好，in 看tio̍h 狗á teh 過路去， tio̍h kā hiu， 叫 i 來。 狗á 看 in 2 ê， 無sêng beh 咬 人ê 款 chiah 行óa 去。狗á 講：lín 叫我, 是beh chhòng siáⁿ-mih tāi-chì？ In tio̍h kā i 講chìn前 in 講好ê tāi-chì kā 狗á 講， beh 請 狗á 做公親中人證明 in 互相bōe 欺騙。狗á 人 古意條直， 隨答應講好，虎 先教貓á hoah ê功夫， 了後， 貓á ài 教 虎 peh 樹á ê功夫，狗á 我 kā lín 做證人。20
2.
了後， 貓á tio̍h 開始 真認真 足認真有夠認真學 虎大hoah ê功夫， 是講 怎樣hoah i mā 是 喵，喵，喵，喵。I tiāⁿ-tiāⁿ 去 lia̍h niáu鼠試驗功夫， 果然 喵喵喵 mā 是 有效， niáu鼠 聽tio̍h 喵喵喵 mā 是 驚kah m̄ 敢tín動。30
An-nî，chi̍t 月日過了，虎 kā 貓á kóng， taⁿ 汝 功夫 學kah 差不多ah， 汝 mā tio̍h 開始 教我 peh 樹á ah。貓á ìn 講， 好！peh 樹á bîn-á-chài góa tio̍h kā 汝教。 隔轉kang，虎koh 來， soah 看bōe tio̍h 貓á，直直等，直直等，等 kah 日頭 落海， 貓á lóng 無現身。 虎 足 siūⁿ氣， 真 siūⁿ氣，有夠 siūⁿ氣！I 想講， 一定 beh kā lia̍h。M̄-koh， 貓á soah 走無去。 I kan-taⁿ ē-tàng 先去 chhōe 狗á。40
3.
狗á 聽虎講了， tio̍h 答應 chhōa 虎 去 chhōe 貓á。貓á 看tio̍h in 來， tio̍h 真kín， 足kín， 有夠kín，peh 去 樹á 頂。虎 看tio̍h 足 siūⁿ氣， 真 siūⁿ氣，有夠 siūⁿ氣！Oa̍t 頭 soah kā 狗á 咬， 狗á ê 後kha hō͘ 虎 咬 1 支去， kín 走。 虎 tī 樹á kha 顧 leh， 因為 i iáu bōe 學 tio̍h peh 樹á。 50
是講， 虎 tú-á 有看tio̍h 貓á án-chóaⁿ peh-khí- lih樹 á 頂， i tio̍h bóng 試， 結局 真正hō͘ i peh--khí-khì。 I hó͘ chi̍t 聲， 足暢，真暢，有夠暢。得beh lia̍h tio̍h 貓á ah。 貓á kín kā i 講， 汝看 汝 chit-má 會曉peh 樹á ah。M̄-ku， 虎 kâng款 beh kā 咬， 因為貓á 無信用，peh 樹á， 是i ka-kī 看學會曉ê。 51
貓á 隨真kín 足kín 有夠kín， 對樹 á頂 別位 peh 落樹á， 走kah 無看見人。虎頭 chi̍t pái peh 樹á，落來也是，所以 kha手 khah 慢， soah hō͘ 貓á 走去。52
4.
自án-ni 起，樹林內貓á tio̍h m̄敢 tòa，i tio̍h 離開 樹林地界。 Ah hit 隻狗á leh？ Lán chit-má 翻頭來看狗á。I mā sio-siāng án-ni 想，所以， i 比 貓á khah 早chi̍t 步， tio̍h 離開樹林ah。
是講， 離開家鄉， beh 去toh 位 leh？ Koh 看tio̍h ka-kī kha 無事無故 hō͘ 虎 kā 1 支去，足怨嘆，真怨嘆，有夠怨嘆，公親soah 變事主。Ná 想 也 ná siūⁿ氣， 氣 貓á kā i 害， 虎 kā i kha 咬去。I pái leh pái leh, 無意無意 行對山路落來。60
Kàu kah 1 間 廟，天tú beh 烏， i tio̍h 想講 入去 歇睏， miâ-chài chiah koh 行。入去了後， i koh 看tio̍h i 無去ê kha， koh 開始 怨嘆起來，ná想 soah tī hia háu 出來。Háu kah 尾--á thiám，soah 強beh 睏--去。
Bī-sī bī-sī ê時，i hō͘ 溫柔ê 聲音 "汝teh háu siáⁿ？" 吵 驚 chi̍t-ē 精神， 目睭peh 金 看tio̍h 1 ê 哺檳榔ê 阿婆，面容 真慈祥，足慈祥，有夠慈祥一直kā 看，i 心內tio̍h 足安心，真安心， 有夠安心。了後，狗á tio̍h 照原本 事故 kā 阿婆講。61
Pō͘ 檳榔 ê 阿婆聽了真m̄甘，足m̄甘，有夠m̄甘，tio̍h kā 狗á 講，我 chit-má kō͘ che 金紙kā 汝做 1 支kha heh，汝 m̄免 koh 哭 ah。 狗á ê kha 隨 恢復原樣， i 足歡喜真歡喜有夠歡喜， 歡喜kàu tè 直直 se̍h lin-long，直直 se̍h lin-long，直直se̍h lin-long，soah bōe 記得kā 阿婆 說 多謝。 62
M̄-kú， 汝ài 會記得，汝 hit ki kha 是金紙做ê， bōe-sái bak tio̍h 水 ô͘！~ 阿婆 離開 chìn前 kā i 講án-ni。An-nî 了後， 狗á 為著 保護i ê kha，連 放尿ê時，kha mā giâ koân-koân。63
5.
天光ah，狗á 出廟門 繼續 行，行kah 人家厝，tú tio̍h 主人。 主人 kā 問， 汝狗á 來 chhòng siáⁿ？ I kā ìn 講， 拜托汝 收留--我，一日hō͘ góa chia̍h一頓 tio̍h 好，日--時，汝出去做 sit， 我 會 kā 汝 顧厝。 主人 tio̍h 答應i， ta̍k 日 hō͘ i chia̍h 暗頓， hō͘ i 顧家門。 狗 á kàu chia chiah 真正 安心。 70
尾--á， 貓á mā 來kàu 人家厝。 狗á 看tio̍h 貓á tio̍h 想起 以早ê tāi-chì，tio̍h 足 siūⁿ氣， 真 siūⁿ氣，有夠 siūⁿ氣 直直kā pūi pūi pūi。貓á ā kín 跳去 厝bóe 頂 bih。
了後， 主人 tńg--lâi。 貓á 也iang 主人hō͘ i tòa。 I 講，我會曉lia̍h niáu鼠，汝 m̄免 hō͘ góa chia̍h ，kan-taⁿ hō͘ 我tòa 厝頂 tio̍h 好， góa 替汝 lia̍h niáu鼠。 因為 án-ni-siⁿ，主人答應 hō͘ 貓á tóa 厝尾頂，hō͘ i 暗時 lia̍h niáu鼠。
樹林lih chhun 虎 tī leh, i 畏人。71
Lán 大概 chai-iáⁿ i án-chóaⁿ 運作ah。 Kā GPS 應用 kah chiah-nih 好, koh 結合 實景真厲害。 是講，án-ni lán 人ê 隱私 leh？ 真chōe lâng ūi-tio̍h beh lia̍h，半暝 無睏，去 熱點。 Koh khah 免講 沿路kiâⁿ 沿路 beh tng beh lia̍h 顧 看 手機á畫面， 無 看 路況， kah ka-kī 處境 ê 危險。
