Góa siūⁿ beh kái-koat khùn-jiáu sò͘ nî ê būn-tôe

Tha̍k liáu Mark Van Doren siāu-kài ê Wordsworth. Góa kám-kak, 1) Góa mā m̄-bat gōa chōe lâng, bô-hoat tō͘ siá great story. 2) tī chit ê sè-tāi eng-kai su-khó, lán ê bī-lâi. 3) kám ū hoat-tō͘ khui phiah 1 tiâu sin ê lō͘?

Chhiùⁿ-koa, thiàu-bú, sio-chiàn

2009年3月21號禮拜六下晡一點，tī台北縣立殯儀館景福廳舉行。

 Hong-siaⁿ Lí beh thòe-hiu

Bô siūⁿ-tio̍h Lí chin-chiàⁿ bān-sū-hiu

65 nî ê ji̍t-chí, Lí ná ē sit-kha

Lán khò-sio̍k ê Tâi-oân koa-siaⁿ

Koh chhiùⁿ ah, koh chhiùⁿ ah

Bô lâng chai-iáⁿ chhiò-bīn jiâu-bûn

Lo̍k-thiòng ê chhim-khek piáu-chêng

Hiān-si̍t chhiū-thâu tīⁿ ân-ân

Sî-kong, cháu-ji̍t cháu-ji̍t ê thâu-chang

Âⁿ tī ba̍k-chiu khut-á téng téng-ji̍t-á

Iáu-koh kim~kim

chho͘~chho͘ ê ba̍k-bâi iáu-koh oa̍h lêng-lêng

In bô chun-chhûn ê bûn-ha̍k-ka

Ūi Tâi-oân cho̍k-chhin

Thiàu tín-tāng ê kut-kut sin-khu

Lán ka-kī thiàⁿ

Lán ka-kī thiàⁿ

Sî-kong, Lí, góa thòe mā saⁿ pō͘

A-cha ê chiàn-tiûⁿ iáu-bōe chheng

Góa siūⁿ góa pí Lí ê A-chhong khah put-jû

Kap seng-oa̍h sio-chiàn, Líiâⁿ kòe chi̍t táu

Po̍h-pán ê heng-khám

Chhim chhiàng iáu-bōe chhiàng--ê

Tâi-gí

Kám bô-beh koh chhiàng--lo̍h-khì

Koh chhiàng--lo̍h-khì ah

Koh Chhiàng ah

Chân-jímê áu-ut chhun-hong

Soaⁿ-thâu ê hoe loān-sú khui ah

Lí ū khòaⁿ tio̍h--bô？

Sî-kong, Lí ōaⁿ kòe chia ê thô͘-bah

Âⁿ--kòe ê iù-íⁿ tng teh tōa

Lí ū khòaⁿ tio̍h--bô？

Goán it-tēng ē-koh chhiùⁿ-koa

It-téng ē-koh chhiūⁿ lí khah-chá kâng-khoán thiàu-bú

Ah sio-chiàⁿ, ǹg-bāng kín soah

一暝ê雨 (2008,3)2010.1《台文戰線》第17號

一暝ê雨

M̄-nā驚醒我ê夢

Koh phah落kui宅á ê柚á花

M-koh，無要緊

白花葉 bōe 白白落塗

第一遍淹水

Chiah tú好

柚á已經有形

細á粒細á粒

無要緊無要緊

I mā有飽tīⁿ ê青

M̄驚

一暝ê雨

Liâm-mi tio̍h 露水真真

七彩ê 初陽


*Chit phiⁿ góa tī 2008 nî 3 go̍eh 22 hit àm siá ê

*2010.1《台文戰線》第17號

Oan-hun si soe-pai e tok-sou.

Choe-kun cheng-sit boo 1 kau-hoe keng hak-hau si hak-tiam. Sim-lai kam-kak chin pi-ai. Kam m-si kong ui Siong-te choe kang leh?
It-chheh e it-chheh long-si phian chiN e siat-ke. Leng 1 hong-bin, hak-seng ma kam-goan hong phian. Soo-i lan ma boe-tang kong siaN-mih u-tha e oe.

 

燕á ê祭式(2007 A-Khioh siúⁿ)

Lîm Jūkhái

Ah, Hong ê sú-chiá

Pat tī Hong-siâⁿ phōaⁿ gún khong-tiong hòng-sàng

Pat kā Wilde Ông-chú tàu-saⁿ-kāng

Pat kah Dona óng Gû-hi iàn-lō͘ chhiàng

Chit-má, Lí tó-tī Keyboard piⁿ

Si̍t-kó͘ ú-e̍k sio-siâng kim-sih-sih

Ah, Ta-khiû ê kha-jiáu

Tīⁿ bô Lí hùn-tàu ê kòe-khì

 

Lí sī chiàⁿ-tng chòng-liân leh

Lí ê siū, Kám bô

Chíⁿ-kiáⁿ liām-liām teh hoah iau

Lín tau, Kám bô

Lāu-chiáu sim-sim teh thèng-hāu

Ah, Bo̍k-koài ba̍k-chiu koh kim-kim

Kám m̄-sī-teh oàn-thàn Moirae

 

Taⁿ, Chhiáⁿ Lí tio̍h pêng-chēng

Kàu kah chit ê khám-chām

Lí sī beh chiàm chi̍t-kak sè-kài î-toē

Iah-sī beh sūn Acheron khoe-chúi phû-lâu

He̍k-chiá--sī, Kiông-beh hòa-chòe Phoenix

Thong-kòe iām-hóe chài-chō chhùi-liān

 

Chū-iû kap chun-giâm bōe-tàng koh chū-chú

Taⁿ, Lí tio̍h an-hioh, Hong ê sú-chiá

 

An-hioh loh

 

 

 

 

 

 

 

Ah, 風ê使者

Pat tī風城伴gún空中放送

Pat kā Wilde王子au-saⁿ-kāng

Pat kah Dona往牛墟沿路唱

Chit-má, 你倒tī Keyboard邊

翅股羽翼sio-siâng金熠熠

Ah, Ta-khiû ê kha爪

掟無你奮鬥ê過去

 

你是正當壯年leh

你ê siū，敢無

Chíⁿ-kiáⁿ念念teh喝iau

Lín tau，敢無

老鳥ê心心teh等候

Ah, 莫怪目chiu koh金金

敢毋是teh怨嘆Moirae

 

Taⁿ，請你tio̍h平靜

Kàu kah chit ê坎站

你是beh佔一角世界餘地

抑是beh順Acheron溪水浮流

或者--是，強beh化作Phoenix

通過焰火再造焠鍊

 

自由kap尊嚴bōe-tàng koh自主

Taⁿ, 你tio̍h安歇，風ê使者

 

安歇囉